Ajsha Alich, pedagoshko asistentkinja ki Fundoni sikavni „Vuk Karadjich“, sikavdja plo phenipa ko rromano amalipa prekali predstava sat djidindje o djuvlja tari olakiri familija shel bersh palal. I predstava ingari anav “Ajsha”, koja ulavi ple paramamijaja e Alichevo.
Mli paramami sine tani na edukimi djuvli, numa bucharni thaj mahrebaski, tari aver rig na zorali te shaj ikljol ko krajo familijake nasiljeja, maribaja, buchaja, e familijaja. Olakoro dad thaj daj mule kana sine terni, sine tikni, shaj sine ćhavoro, me na djanav odova. Oj sine ko ćhavorikano prandipe zoraja, geli ko rrom kana sine ola deshushtar numa deshushov bersh ko Vranje, odova ki mande na sine adjahar. Odoja jek but, but phari storija, kote ko nekobor sroma nesave scene thaj okova so setinama, me ramosardem scenario, me rovava, tari tuga, holi, dukh, soske on adjahar djivdindje, i paramami thaj mami, soske nashti sine te marenpe sa odoleja. Phare, but phare.
Predstava „Ajsha“ kerdi ko okviri taro Interkulturako teatri ki rezhija taro Zoran Tairovich, kova kerdja intervju rromane djuvljenca. I predstava uli ko fundo taro vakeripa tari Ajsha Alich, koja ko 50 minutija kerdha storija taro than e Rromnjengo ko 20 thaj 21 veko. I rrola kheljola i akterka taro Nishko manushego teatro, Dragana Jovanovich. Angluno drom akaja storija sikavdili ko Mali Idjosh.
Oj astari i storija taro prandipa ko kontrakti, thaj tikne bershenge prandipa, e Ajsha lilja rrome ko deshushtar bersh, odova sine prandipa ko kontrakti, palal odova mudardipa e Rromengo ko Dujto lumijako mahreba, taro familijako nasilje, mudardipa ko familije, na jasno situacije, taro nesavo socijalistikano djaipa anglal, taro odova kaj e djuvli valjandja te kerel duj, trin bucha te shaj te ikeri pli familija, kobor zor kerde te na vakeren kaj olake ćhave „melale Rroma“ – Dragana Jovanovich, akterka ko Manushego teatri Nish.
E Alich startuindja i predstava ple paramamijake lafijencar „Me sem i Ajsha, isima 109 bersh“, agorisibaja korkore peja, vikini pe Ajsha thaj isi ola 46 bersh.
Odova valjanol te djivdine, te sarijenge ko agor maren ple vas thaj te phenen “Ajsha, Ajsha, Ajsha“. Mange ko odova momenti o asva gele taro shukar, soske on man na djanen adjahar. Me kerava buti ki edukacija thaj me olencar kerava javer buti. Akana magljum te sikavav olenge kaj on egzistitinen, kaj khanchi na sijum javer taro olende, kaj o rromnja ki mli failija naje po aver taro olenge mamija, daja, para mamija, numa sare tane jekh. Numa, te sikava kaj em e edukacija importantno, te ikljoven taro odova magijako rroto taro chororipa te taha oven olen plo than ko amalipa – Ajsha Alich, pedagoshko asistentkinja ki Fundoni sikavni „Vuk Karadjich“.
Sar reaguindja e publika?
Odoja sine jek djivdi, komunikativno, interaktivno predstava, kote but bucha nashti sine te predikhen, numa sine tumenge shukar kana ule. Adjahar me djivdindjum jek artistikani katarza, shaj te phenav kaj nikada ko djindipa na heldjum anglal adjahar djivdi publika, komunikativno, na hovavni, adjahar hem mlo khelipa sine nahovavno dji ko agor – Dragana Jovanovich, akterka ko Manushego teatri Nish.
E akterka phenela kaj em baro utisko pi olate muhle o ćhave kola pućle ola, da li ka ovol pale predstava. Kol jek kotor tari predstava e akterka lilja bokali panjeja sar te sikavi rroto, a o ćhave tari publika dindje ple vas te thoven. Akava olake sine na adjikerdo thaj shukar. Akana sniminipe em filmi, ki produkcija taro Interulturalno teatri.
Projekat je sufinansiran od strane Ministarstva informisanja i telekomunikacija. Izneti stavovi u sadržaju ne izražavaju stavove donatora.
Novinarka: Marija Todorović
Prevod na romski: Turkijan Redžepi
Povezane vesti
Rromane paramiča: Diskriminacija tani jek taro embaro problemi koleja o Rroma thaj Rromnja dikhenape 
Rromane paramiča: Rroma thaj Rromnja ki Srbija panda phare arakhena buti 
Romske priče: Predstava “Ajša” – priča o ugovorenim brakovima 
Obuke, radna mesta i popravke kuća za Rome povratnike i interno raseljena lica u Niškoj Banji